Yol qəzasında yaralananların kimliyi

Ağdamda baş verən yol-nəqliyyat hadisəsində xəsarət alan şəxslərin kimliyi müəyyənləşib.

APA-nın Qarabağ bürosunun məlumatına görə, rayonun İmamqulubəyli kəndində 42 yaşlı Valeh Həsənovun idarə etdiyi “VAZ 2106” markalı, 10 LJ 075 dövlət nömrə nişanlı maşınla piyada Bəhrəm Hüseynovu vurulub. Bundan sonra avtomobil asfaltbasana çırpılıb. Nəticədə sürücü, piyada və maşınındakı sərnişin, 50 yaşlı Məhiyyəddin Əliyev müxtəlif bədən xəsarəti ilə Ağdam mərkəzi rayon Xəstəxanasına çatdırılıblar.

Xəstəxanadan verilən məlumata görə 24 yaşlı Bəhrəm Hüseynovu vəziyyəti ağırdır, digər 2 nəfərin vəziyyəti stabildir.

Faktla bağlı araşdırma başlanıb.

AzNews.az