“Müxalifət vahid namizədin müəyyənləşdirilməsinə nəzəri baxımdan yanaşır”

"Nəzəri cəhətdən hər şey yaxşıdır, amma praktik cəhətdən həyata keçmir"

APA-nın məlumatına görə, bu fikirləri Azərbaycan Milli İstiqlal Partiyasının (AMİP) lideri Etibar Məmmədov müxalifətin vahid namizəd məsələsinə münasibət bildirərkən deyib.

AMİP lideri bildirib ki, müxalifət vahid namizədin müəyyənləşdirilməsi istiqamətində nəzəri cəhətdən çalışsa da, bu, praktik cəhətdən reallaşmır: "Buna görə də nəticə pis olur".

E. Məmmədov Müsavat başqanı İsa Qəmbərin "2003-cü ildə vahid namizəd mövzusunda məndən çox əziyyət çəkən olmayıb" fikrinə də münasibət bildirib: "Deyir də, hərə bir söz deyir. Hər deyilənə fikir vermək olmaz".

AzNews.az