Milli Məclisdə “zarafat” davası

Milli Məclisin bu gün keçirilən plenar iclasında İnzibati Xətalar Məcəlləsində dəyişikliklər edilməsi haqqında qanunun layihəsi müzakirəsi zamanı deputat Fazil Mustafa ilə spiker Oqtay Əsədov arasında mübahisə yaranıb.

AzNews.az-ın məlumatına görə, buna səbəb F. Musatafanın çıxışa başlayan zaman səsləndirdiyi ifadə olub.

Millət vəkili deyib ki, o çıxışa yazılan zaman, digər deputatlar da bu istəyə düşür.

Spiker isə deyib ki, F. Mustafa özü haqqında yüksək fikirdədir: "Digər deputatlar haqqında isə aşağı düşünürsünüz. Belə olmaz, çıxışlarınıza fikir verin".

F. Mustafa buna cavabında deyib ki, o özü haqqında yüksək, həmkarları barəsində isə aşağı fikirdə deyil: "Sadəcə, mən bunu zarafat kimi dedim. Hesab edirəm ki, sizin buna kobud cavab verməyiniz doğru deyil".

Spikerin F. Mustafanın son fikirlərinə cavabı sərt olub: "Fazil müəllim, siz burada danışdınız, əvvəla, mənim sizinlə zarafatım yoxdur ki, burada mənimlə zarafat edəsiniz. Siz dediniz məndə cavabın verdim. Siz öyrənmisiniz ki, hər sözün davamında bir replika atasınız. Birdən-ikiyə sizinlə zarafatım var ki, deyirsiniz zarafat edirəm?!".

AzNews.az