Sabah qaz olmayacaq

Abşeron və Hacıqabul magistral qaz kəmərləri sahələrində cari təmir işləri aparılacaq.



AzNews.az SOCAR-ın saytına istinadən məlumat verir ki, yanvarın 22-də saat 10:00-dan 18:00-dək "Qaz İxrac" İdarəsinin Abşeron magistral qaz kəmərləri sahəsinin "Lökbatan yolayırıcı", eləcə də Hacıqabul magistral qaz kəmərləri sahəsinin "Qarasu" qazpaylama stansiyalarında, həmçinin bəzi ölçü qovşaqlarında cari təmir işləri aparılacaq.

Təmir müddətində Hacıqabul rayonunun Qarasu, Padar və Abdulabad kəndlərinin qaz təchizatında məhdudiyyətlər olacaq. Aparılan işlərin Bakı şəhərinin Səbail rayonunun bir hissəsinin qaz təchizatına təsir göstərməsi də mümkündür.