İspaniya sərhəddində qadın afrikalını çamadanda keçirməyə cəhd etdi

Sərhədçilər Mərakeşlə sərhəddə ispan anklavı hesab olunan Seutanın buraxılış məntəqəsində 19 yaşlı qabonlu şəxsi çamadanda daşımağa cəhd edərkən mərakeşli qadını tutublar.

AzNews.az xarici KİV-ə istinadən xəbər verir ki, hüquq-mühafizə orqanlarının əməkdaşları özünü şübhəli aparan qadını yoxlamağa cəhd edərkən, işin üstü açılıb.

Onlar qadına yaxınlaşaraq çamadanı açmağı tələb ediblər. Həmin vaxt onlar havasızlıqdan huşunu itirən 19 yaşlı afrikalını çamadanda aşkar ediblər.

Polis güman edir ki, qadın Afrikadan insanları Avropaya daşıyan qaçaqmalçılar qrupunun üzvüdür. Qadın 7 ilədək azadlıqdan məhrum oluna bilər.