- Köhnə - Dünya
- 3 Mart 2018 22:10
- 1 801
Pakistan Senatına seçkilər keçirilib
Martın 3-də Pakistan federal parlamentinin yuxarı palatasına - Senata seçkilər keçirilib.
AzNews.az Azərtac-a istinadən xəbər verir ki, seçkilər Pakistanın Bəlucistan, Xayber-Paxtunxva, Pəncab və Sind əyalətlərində, federal qəbilələr ərazisi və İslamabad üzrə keçirilib.
Əlli iki senatorun adı bir sutka ərzində elan edilməlidir. Digər 52 senatorun səlahiyyət müddəti isə 2021-ci ildə başa çatır.
Əyalətlərin hərəsindən Senata 23, qəbilələr ərazisindən 8, İslamabaddan isə 4 senator seçilir.
Ölkə qanunvericiliyinə görə Senata seçkilər üç ildən bir keçirilir.