- Köhnə - Dünya
- 8 Mart 2018 20:48
- 1 965
Məhkəmə keçmiş məmura 11 il iş kəsdi
Braziliyada Petrobras-ın keçmiş rəhbəri korrupsiya ittihamı ilə 11 il müddətinə azadlıqdan məhrum edilib.
Trend-in məlumatına görə, neft-qaz nəhəngi Petrobras-ın rəhbəri Aldemir Bendini korrupsiya və çirkli pulların yuyulmasında ittiham olunur.
Onun Odebrecht tikinti şirkətindən 3 milyon real (907 min dollar) rüşvət aldığı deyilir.
Bundan əvvəl Bendiniyə 25 il iş istənilib.
Qeyd edək ki, Bendini 2015-ci ilin əvvəlində kompaniyanın baş direktoru təyin olunub. Bendinidən əvvəlki direktor da korrupsiyada ittiham edilərək vəzifəsindən azad edilib. Bendini özü isə 2016-cı ilin mayında işdən azad edilib və barəsində cinayət işi qaldırılıb.
AzNews.az