“Qatar Airways” ciddi itkilərə məruz qalacaq

Qətər ətrafında baş verən siyasi böhran səbəbindən "Qatar Airways" aviaşirkəti bu il ağır itkilərə məruz qalacaq.

AzNews.az-ın dünya mətbuatına istinadən verdiyi məlumata görə, bunu aviaşirkətin icraçı direktor Əkbər əl-Baker bildirib.

Ötən ilin iyun ayında Səudiyyə Ərəbistanı, Birləşmiş Ərəb Əmirlikləri, Bəhreyn və Misir Doha ilə diplomatik əlaqələri kəsiblər. Buna görə həmin ölkələr Qətərə aid təyyarələrin öz hava sahəsinə keçməyə qadağa qoyub.

Bundan ən çox zərər çəkən isə "Qatar Airways" aviaşirkəti olub. Aviaşirkətin icraçı direktorunun sözlərinə görə, onlar üçün bu il "çox böyük itkilər ili" olub.