Pakistanda terrorçu-kamikadzenin hücumu nəticəsində 12 nəfər ölüb

Pakistanın Peşəvər şəhərində terrorçu-kamikadzenin hücumu nəticəsində 12 nəfər ölüb, 35 nəfər yaralanıb.

APA-nın “Pakistan Today”ə istinadən verdiyi xəbərə görə, hücum “Avami” Milli Partiyasının toplantısı zamanı törədilib. Ölənlər arasında partiyanın lideri Harun Bilur və oğlu Daniyal Bilur var. Ölənlərin sayının artacağı istisna olunmur.

Heç bir qruplaşma terror aktına görə məsuliyyəti öz üzərinə götürməyib.