Məşhur siyasətçi yumurta “atəş”inə tutuldu – Video

London bazarındakı çıxışı zamanı Britaniyanın Leyborist Partiyasının lideri Ed Milibend "yumurta atəşinə" tutulub.

"The Daily Mail"nin yaydığı xəbərə görə, siyasətçi bazarı gəzərək oradakı bahalılığın insanların həyat şəraitinə uyğun gəlməməsində hazırkı hakimiyyəti təmsil edən mühafizəkarları günahlandırmaq niyyətində olub.

Gün.Az Rusiya KİV-lərinə istinadən xəbər verir ki, satıcı ilə söhbət zamanı kimsə ona yumurta atıb, hətta yumurtalardan biri siyasətçinin başına tuş gəlib. "Leyboristlər artıq xalqın aşağı təbəqəsinin maraqlarını qoruya bilmir" kimi replikalar səslənib.

Ed Milibend isə bu hadisəyə fəlsəfi baxımdan yanaşıb və "bu nə ilk, nə də son hadisə deyil.. mən hər zaman seçicilərə daha yaxın olmağın yolunu axtarıram" deyib.



AzNews.az