Hindistanda ölənlərin sayı 25-ə çatdı

Hindistanın Mumbai şəhərində beşmərtəbəli binanın uçması nəticəsində ölənlərin sayı 25-ə çatıb.

APA-nın məlumatına görə, bina dünən uçub. Dağıntılar altında onlarla insanın qaldığı bildirilir.

Artıq 32 nəfər xilas edilib. Xilas edilənlər arasında uşaqlar da var.

Qeyd edək ki, bu, 2013-cü ildə Mumbaidə baş verən ilk bina uçması deyil. Apreldə yeddimərtəbəli binanın uçması nəticəsində 74 nəfər, iyunda üçmərtəbəli binanın uçması nəticəsində 10 nəfər həlak olub.

AzNews.az