İtmiş təyyarə Amerikadadır- İDDİA

Bütün dünya "Malaysia Airlines" şirkətinə məxsus Boeing təyyarənin axtarışlarını həyata keçirdiyi bir vaxtda İnternetdə maraqlı məlumat yayılıb. Milli.az "Komsomolskaya Pravda"ya istinadən xəbər verir ki, həmin təyyarənin ABŞ-a məxsus hərbi bazada olduğu iddia olunur.

Təyyarənin Dieqo Qarsiya hərbi bazasına aparıldığı deyilir. Baza Cənubi Maldivdəki Çaqos arxipelaqında yerləşir. Həmin bazanın xəritəsi təyyarənin pilotu Zahari Əhməd Şahın ev aviasimulyatorunda olub.

Təyyarənin qaçırılması versiyasının tərəfdarları deyirlər ki, təyyarə ABŞ-ın "Freescale" şirkəti tərəfindən qaçırılıb. Bu şirkət gizli silah hazırlığı istiqamətində işlər aparır. Həmin təyyarənin sərnişini olan bir neçə alim isə bu sahədə ciddi irəliləyişə nail olub.

Həmin alimlər "Freescale" şirkəti üçün çalışmağa məcbur ediləcəklər. Digər sərnişinlər isə sadəcə məhkum həyatı yaşayacaqlar.

AzNews.az