Bakı-Şamaxı yolunda ağır qəza - 7 nəfər yaralandı

Qobustanda 7 nəfərin xəsarət alması ilə nəticələnən yol qəzası baş verib.


AzNews.az Fövqəladə Hallar Nazirliyinin saytına istinadən xəbər verir ki, Nazirliyin Böhran Vəziyyətlərində İdarəetmə Mərkəzinə, Qobustan rayonu, Bakı-Şamaxı yolunun 86-cı kilometrliyində vətəndaşlara məxsus 2 ədəd "VAZ" markalı minik avtomobilinin toqquşması nəticəsində yol-nəqliyyat qəzası baş verməsi barədə məlumat daxil olub.

Dərhal Fövqəladə Hallar Nazirliyinin Dövlət Yanğından Mühafizə Xidmətinin yanğınsöndürən-xilasediciləri hadisə yerinə cəlb olunaraq deformasiyaya uğramış avtomobillərdə sıxılan vəziyyətdə qalan 7 nəfəri çıxararaq aidiyyəti üzrə təhvil veriblər.

Əməliyyat saat 15:00-da başa çatıb.