Cəlilabadda silahlı insident - Avtomobil və evə ziyan dəydi

Cəlilabad rayonunda silahlı insident baş verib.

AzNews.az APA-ya istinadən xəbər verir ki, ilkin məlumata görə, Cəlilabad rayon sakinləri olan şəxslər odlu silahdan bir-birinə atəş açıblar.

Silahlı insident zamanı xəsarət alan olmasa da, “Lexus” markalı avtomobilə və yaşayış evinə ziyan dəydiyi bildirilir.

İnsidentin səbəbləri və iştirakçılarının kimliyi hələlik məlum deyil.

Faktla bağlı araşdırma aparılır.