Azərbaycanda dəhşətli qəza - 6 nəfər öldü

Siyəzən rayonunda ağır yol qəzası baş verib.

AzNews.az “Qafqazinfo”ya istinadən xəbər verir ki, Qara Siyəzən adlı ərazidə “VAZ 2107” markalı avtomobillə “Daewoo” markalı avtomobil toqquşub.

Qəza nəticəsində 2 qadın, 1 azyaşlı uşaq, 3 kişi olmaqla 6 nəfər hadisə yerində dünyasını dəyişib, 1 nəfər isə ağır xəsarət alıb.

Hadisə yerinə təcili yardım briqadaları və polislər cəlb edilib.

Qəzanın nə səbəbdən baş verdiyi bilinmir.

Faktla bağlı Siyəzən rayon prokurorluğunda araşdırma aparılır.

AzNews.az