Ayaqları kəsilən usta xilas edildi - VİDEO

Bakıda təmir apardığı binanın damında ayaqlarından xəsarət alan fəhlə xilas edilib. Hadisə paytaxtın Sabunçu rayonu, Bakıxanov qəsəbəsi, general Mehmandarov küçəsi 23 ünvanında baş verib. 3 mərtəbəli binanın damının təmiri zamanı 1993-cü il təvəllüdlü Ənvər Əlikram oğlu Mahmudbəylinin əlindən elektrik kəsici alət çıxıb. Nəticədə, təmir işləri aparan usta hər iki ayağının dizdən aşağı hissəsindən ciddi xəsarət alıb.

Hadisə yerinə çağırılmış Fövqəladə Hallar Nazirliyinin xüsusi riskli xilasetmə qurupu tərəfindən Ənvər Mahmudbəyli xilas edilib. Təcili tibbi yardım stansiyasının əməkdaşları zərərçəkmişə damın üstündə ilkin və təxirəsalınmaz tibbi yardım göstərib və yaranın üstü örtülüb. Bundan sonra xilasedicilər qaldırıcı kran vasitəsilə təhlükəsizlik qaydalarına əməl etməklə, zərərçəkmişi binanın damından aşağı endirib və təcili tibbi yardım stansiyasının əməkdaşlarına təhvil verib.





AzNews.az