"Nəticə qazanmaq üçün meydanda ən yaxşısını etməyə çalışacağıq" - Qurban Qurbanov

“Qarabağ”ımız Çempionlar Liqasının III təsnifat mərhələsində Moldovanın “Şerif” klubuyla qarşılaşacaq.

AzNews.az klubun mətbuat xidmətinə istinadən xəbər verir ki, komandanın baş məşqçisi Qurban Qurbanov bu matçlar haqda öz fikirlərini bildirib:

“Şerif” uzun müddətli Avropa təcrübəsinə malik bir komandadır. Rəqibimiz demək olar ki, hər mövsüm avrokuboklarda mübarizə aparır. Komandanın heyətində çoxlu legionerlər yer alır və heyəti yeniləyiblər. Bu da onu göstərir ki, “Şerif” bu mövsümə olduqca ciddi hazırlaşır. Komandaya italiyalı baş məşqçi rəhbərlik edir və adətən belə komandalar yüksək nizam-intizama malik olurlar. Bizi heç də asan olmayan iki oyun gözləyir. Amma nəticə qazanmaq üçün meydanda ən yaxşısını etməyə çalışacağıq”.