"Qarabağ" Londona yollanır

Çempionlar Liqasının qrup mərhələsində Azərbaycanı təmsil edən “Qarabağ” bu gün Londona yola düşür.

AzNews.az Qol.az-a istinadən xəbər verir ki, bu gün Bakı vaxtı ilə saat 17.00-da komanda çarter reysi ilə İngiltərə paytaxına yola düşəcək.

"Qarabağ"la "Çelsi" arasındakı oyun sentyabrın 12-də keçiriləcək. Komandanın oyundan 1 gün öncəki son məşqini "zadəganlar"ın stadionunda - "Stemford Bric"də keçirməsi nəzərdə tutulub.

Qeyd edək ki, əsas komanda ilə yanaşı klubun UEFA Gənclər Liqasında yarışacaq U-19 komanda da bu gün eyni təyyarə ilə Londona gedəcək. Onların bu yarışda debütü sentyabrın 12-də Londonda "Çelsi"dəki həmyaşıdlarına qarşı olacaq. Ancaq həmin matç günorta saatlarında - Bakı vaxtilə saat 14:05-də başlayacaq.