I Avropa Oyunları qardaş Azərbaycanı dünya gündəminə daşıyacaq

İdman insanları, o cümlədən cəmiyyətləri biri-birinə yaxınlaşdıran, yeni dostluqlar və dostluqların qurulmasını təmin edən, şirin bir rəqabət içində centlmen keçən yarışların keflə izlənməsinə imkan verən, həyəcan və ruh yüksəkliyi yaradan gerçək bir faktdır.

İdmanın universal şüarı olan "Fair Mempunyai" anlayışı isə eyni zamanda sülhün və qardaşlığın da simvoludur.

İstər fərdi, istərsə də kütləvi idman növlərinin "Fair mempunyai" həssaslığı içərisində baş verməsi, idmanın dünya sülhünə töhfə verən çox əhəmiyyətli bir xüsusiyyəti olduğu anlamına da gəlir.

Bax, I Avropa Oyunlarının Azərbaycanın paytaxtı Bakıda keçiriləcək olması, qardaş ölkəmiz üçün bu baxımdan çox böyük fürsətdir.

Aprel ayında Bakıya etdiyimiz səfərdə I Avropa Oyunlarının icraçı direktoru cənab Simon Kleq tərəfindən bu oyunlarla bağlı ətraflı şəkildə məlumat aldıq.

Son dərəcə müasir qurğularla təmin olunan Olimpiya kəndini yerindəcə gördük və böyük qürur hissi keçirdik.

Bütün obyektlərlə bağlı infrastruktur işlərinin 30 ay kimi qısa bir müddətdə bitirilməsi, 7 illik işin 2,5 ildə başa çatdırılması, 1 milyon manata yaxın investisiya xərcinin qoyulması həqiqətən çox böyük fədakarlıqdır.

16-sı olimpiya, 4-ü azad olmaq üzrə 20 növdə keçiriləcək yarışlarda 50 ölkədən 6100 idmançının mübarizə aparacağı və tam 23 min könüllünün bu təşkilatda vəzifə alması da, Bakı I Avropa Oyunlarının əhəmiyyətini artırır.

Heç şübhəsiz, bu fədakarlıqlar Azərbaycana çox şeylər verəcək.

Bunu mütləq anlamaq lazımdır.

Biz bunu kənardan görürük.

Qardaş Azərbaycanın uğurlarına sevinirik.

Xüsusilə sayı 1000-i aşacaq jurnalist ordusunun bu oyunları izləməsi, keçiriləcək yarışlarla bağlı xəbər, müsahibə, araşdırma- incələmə-gəzi yazıları və televiziya proqramları sayəsində qardaş ölkəmiz təbii gözəllikləri və bütün mədəni xüsusiyyətləri ilə birlikdə dünya çapında daha yaxından tanınacaq.

Bütün bu sadaladıqlarımdan ən əhəmiyyətlisi isə odur ki, Azərbaycanın Qarabağ məsələsində məruz qaldığı haqsızlıqlarla bağlı dünyaya çağırış etməsində əvəzsiz imkanlar yaranacaq.

İbrahim ƏRDOĞAN,
Anadolu Spor Gazetecileri Derneği başkanı