Belçika voleybolçuları pley-off mərhələsinə çıxmaq istəyir

Belçikalı məşqçi Qert Vande Brukun başçılıq etdiyi qadın voleybol komandası Bakıda pley-off mərhələsinə çıxmağı qarşısına məqsəd qoyub.

AzNews.az baku2015.com-a istinadən xəbər verir ki, Vande Bruk ilk Avropa Oyunlarında "Sarı pələnglərin" elə ilk mərhələdə gözəl nəticələr göstərməsini istəyir.

Belçika Bakı 2015-də Azərbaycan, İtaliya, Türkiyə, Polşa və Rumıniya ilə birgə A qrupuna düşüb. Qrupdakı ilk dörd komanda ¼ finala yüksələcək.

Vande Bruk Belçika Xəbər Agentliyinə açıqlamasında onları çətin oyunlar gözlədiyini bildirib:
"Əgər biz raunda (pley-off) çatsaq, bu, uğur hesab ediləcək. Deməli, qrupda ən azı dördüncü yerə sahib olmalıyıq. Bu, heç də asan olmayacaq".

2013-cü ildə Avropa Çempionatında Belçika komandası yarımfinal mərhələsinə yüksəlib. Qadınlar bürünc medal uğrunda Serbiyanı məğlub etməklə, eləcə də, Avropa Voleybol Liqasının ikinci yerinə çıxmaqla tarix yazıblar.

Lakin Belçika 2014-cü ildəki Dünya Çempionatında yalnız 11-ci yerə çıxa bilib. də bitirməklə bir addım geridə qaldı. Komandanın Türkiyədə keçirilən sınaq yarışlarında da nəticələrin ürəkaçan olmayıb. Odur ki, Bakıda belçikalı qadınları çətin oyun gözləyir.