Boks millimizə yeni baş məşqçi gətirilib

Ölkəmizin boks üzrə milli komandasının yeni baş məşqçisinin adı məlum olub. AzNews.az-un məlumatına görə, yığmamızı bundan sonra ukraynalı Vladimir Zolotaryev çalışdıracaq. O, vətənində adlı-sanlı mütəxəssislərdən sayılır. Belə ki, Zolotaryev dünyaca məşhur peşəkar boksçular – Kliçko qardaşlarının ilk məşqçisi olub.

Qeyd edək ki, bu ilin aprelində Trabzonda keçirilmiş olimpiya təsnifatlı turnirdə millimizin nəticəsindən razı qalmayan Azərbaycan Boks Federasiyası, dağıstanlı mütəxəssis Yevgeni Kotovu istefaya göndərmişdi. Ondan sonra seçmə kollektiv yerli məşqçi Nəriman Abdullayevə tapşırılmışdı.

Kamran Hacı
AzNews.az