Sumqayıt Kimya Sənaye Parkının ərazisi genişləndirilir - Prezidentin sərəncamı ilə

İlham Əliyev yanvarın 25-də “Sumqayıt Kimya Sənaye Parkının ərazisinin genişləndirilməsi haqqında” Sərəncam imzalayıb.

AzNews.az Azərtac-a istinadən xəbər verir ki, Sərəncama əsasən Nazirlər Kabinetinə İqtisadiyyat Nazirliyi, Əmlak Məsələləri Dövlət Komitəsi, Dövlət Neft Şirkəti, “Azərenerji” Açıq Səhmdar Cəmiyyəti və Sumqayıt Şəhər İcra Hakimiyyəti ilə birlikdə Sumqayıt Kimya Sənaye Parkının fəaliyyəti üçün Sumqayıt şəhərinin Bakı-Quba yolunun 37-ci kilometrliyində yerləşən 170,75 hektar torpaq sahəsinin qanunvericiliyə uyğun olaraq “Sumqayıt Kimya Sənaye Parkı” Məhdud Məsuliyyətli Cəmiyyətinin daimi istifadəsinə verilməsinin təmin edilməsi ilə bağlı üç ay müddətində tədbirlər görmək və digər məsələləri həll etmək tapşırılıb.

İqtisadiyyat Nazirliyi isə Sərəncamdan irəli gələn məsələləri həll edəcək.