Azərbaycanda kompüterin qiymətləri ucuzlaşdı

Cari ilin aprel ayında ölkədə kompüter və digər elektron avadanlıqların istehsalçı qiymətlərində 0,4 faiz ucuzlaşma müşahidə olunub.


AzNews.az ICTnews-a istinadən xəbər verir ki, bu barədə Dövlət Statistika Komitəsinin aprel ayında sənaye məhsullarının istehsalçı qiymətlərinin dəyişməsi haqqında statistik məlumatında deyilir.

Bununla yanaşı, apreldə emal sənayesi bölməsində ucuzlaşma maşın və avadanlıqların quraşdırılması və təmiri, toxuculuq sənayesi, içki istehsalı, elektrik avadanlıqlarının və tikinti məmulatlarının istehsalı sahələrində qeydə alınıb.