Dollar kreditləri indiki kursla ödəniləcək – Borclular üçün çıxış yolu nədir?

Azərbaycan Mərkəzi Bakının (AMB) sədri Elman Rüstəmov bu gün banklardan dollarla kredit götürənlərə güzəştlərin edilib-edilməyəcəyi məsələsinə münasibət bildirib.


O, qeyd edib ki, bu, maliyyə intizamının pozulmasına gətirə bilər. E.Rüstəmov bunla da dollar kreditlərinin əvvəlki məzənə ilə ödənilməcəyi ilə bağlı yayılan şayiələrə son qoydu.

İqtisadçı-ekspert Samir Əliyev AzNews.az-a dollarla kredit borcu olan vətəndaşlar üçün bundan sonra hansı addımların atıla biləcəyini açıqlayıb. Onun sözlərinə görə, problem banklarla əhalinin arasında həll olunmalıdır: "Baş bankir məsələnin nöqtəsini qoyub. Məsələ banklarla əhali arasında müzakirə olunmalı və ortaq məxrəcə gəlinməlidir. Dollarla kredit olanlar üçün iki yol var;

1.Banklar kredit faizlərini aşağı salmaq
2.Dollarla krediti olanlar üçün müddəti uzatmaq.

Yalnız bu yolla dollarla krediti olanların vəziyyətini yüngülləşdirmək olar".


Bahar RÜSTƏMLİ
AzNews.az