SOCAR alman şirkətinin Türkiyədəki aktivlərini alır

SOCAR Almaniya şirkətinin Türkiyədəki aktivlərinin alışını 2019-cu ilin ilk rübündə yekunlaşdıracaq

Azərbaycan Respublikası Dövlət Neft Şirkəti (SOCAR) Almaniyanın EWE energetika şirkətinin Türkiyədəki aktivlərinin alınmasını 2019-cu ilin ilk rübündə yekunlaşdırmağı planlaşdırır.

Trend-in məlumatına görə, məlumatına görə, bunu danışıqlara yaxın olan mənbə bildirib.

Mənbə deyib: "Biz gözləyirik ki, alış ilk rübdə yekunlaşdırılacaq, biz bunu təsdiq edə bilərik".

Türkiyə KİV-lərinin məlumatına əsasən, söhbət EWE-nin bu ölkədəki törəmə şirkəti “EWE Turkey Holding”in “Bursagaz”, “Kayserigaz”, “EWE Enerji” və “Enervis” şirkətlərindəki payından gedir. Sövdələşmənin dəyərinin 140 milyon dollar təşkil etdiyi deyilir.

Bundan əvvəl EWE şirkətindən Trend-ə bildirmişdilər ki, şirkətin Türkiyədəki aktivlərini satmaq barədə qərarı fəaliyyətinin optimallaşdırılması ilə bağlıdır.

AzNews.az