Nazir kədərindən xəstəxanaya düşdü

"Prezident Ruhaninin ABŞ prezidenti Barak Obama ilə görüşməsi düzgün deyildi". İranda rejimə yaxın "Keyhan" qəzetinin yazdığına görə, İranın xarici işlər naziri Məhəmməd Cavad Zarifin bu sözləri onu xəstəxanaya salıb.
Ali dini lider Əli Xamaney prezidentin Amerika təmaslarına dəstək vermiş, amma bəzi addımların yerli olmadığını bildirmişdi.
Qəzet Cavad Zarifin "Ruhaninin Obama, mənim isə Con Kerri ilə uzun müddət davam edən görüşüm düzgün deyildi", sözlərini manşetə çıxarıb. "Səmimi etiraf" başlıqlı yazıya öncə Xarici İşlər Nazirliydən təkzib gəlib, sonra isə nazirin kədərindən xəstəxanaya düşdüyü bildirilib.

Dediklərinin yanlış anlaşıldığını deyən Zarif "Facebook" səhifəsində görüşlərini təxirə saldığını, bel ağrısı və spazma ilə bağlı olaraq xəstəxanada müalicə edildiyini bildirib.
"Bu mənə acı dərs oldu. Bundan sonra söyləmək istədiklərimi yalnızca ictimaiyyətə açıqlamam gərəkdiyini öyrəndim".(ANS PRESS)