Suriyada Rusiyalı jurnalist itkin düşdü

Suriyada yaşayan və fəaliyyət göstərən Rusiyalı jurnalist Anxar Koçnevoy itgin düşüb. AzNews.az-ın bu ölkə mətbuatına istinadən verdiyi xəbərə görə, bu barədə məlumatı onun jurnalist həmkarları veriblər.

Həmkarlarının bildirdiyinə görə, sonuncu dəfə jurnalisti Dəməşqdən Tartusa yollanarkən görüblər. Daha sonra ondan xəbər almaq mümkün olmayıb.

Artıq məsələ ilə bağlı Suriya hökumətinə müraciət də edilib. Qarşı tərəf isə Rusiyanı əmin edib ki, jurnalistin tapılması istiqamətində lazımi addımlar atılacaq.
Qeyd edək ki, Suriyada itkin düşən jurnalistlərin dəqiq sayı məlum olmasa da, kifayət qədər çoxdur.

Sadiq Musa
AzNews.az