Rusiya ilə ABŞ arasında hərbi rəqabət

Rusiya ABŞ-la hərbi sahədə açıq rəqabətə başlayır. AzNews.az-ın Rusiya mətbuatına istinadən verdiyi xəbərə görə, prezident Putin Müdafiə Tədqiqatları Agentliyinin yaradılması ilə bağlı sərəncam imzalayıb.

Yeni agentliyin yaradılmasında əsas məqsəd Amerikada artıq uzun illərdir fəaliyyət göstərən eyni təyinatlı tədqiqat mərkəzi ilə rəqabət aparmaq və müdafiə texnologiyalarını inkişaf etdirməkdir.

Müdafiə tədqiqatları üçün nəzərdə tutulan vəsait də dövlət büdcəsindən ayrılacaq. Məbləğlə bağlı dəqiq rəqəm səsləndirilməsə, vəsaitin kifayət qədər böyük olacağı bildirilir. Bununla belə, bəzi ekspertlər Rusiyanın bu sahədə Amerikaya çatması üçün hələ çox iş görməli olduğunu düşünürlər.

Sadiq Musa
AzNews.az