Özbəkistanın mineral ehtiyatları 3 trilyon dollar dəyərində qiymətləndirilir - Prezident

Özbəkistanda mineral ehtiyatların ümumi dəyəri 3 trilyon dollara çatır.

Bunu respublika prezidenti Şavkat Mirziyoyev IV Daşkənd Beynəlxalq İnvestisiya Forumunun açılışında deyib.

"Özbəkistanda volfram, molibden, maqnezium, litium, qrafit, vanadium, titan və digər mineral ehtiyatların böyük ehtiyatları aşkar edilib. Yeraltı sərvətimizin potensialı 3 trilyon dollar qiymətləndirilir", - dövlət başçısı bildirib.

Prezident ölkədə kəşfiyyata başlayacaq və hazır məhsul istehsalı zəncirini quracaq investorlar üçün 10 illik fiskal güzəştlər vəd edib.

Dövlət başçısı qeyd edib ki, Mərkəzi Asiya ölkələri öz ərazisində mineral xammalı emal edən istehsal müəssisələri cəmləşdirə bilərlər. "Bölgənin yüksək əlavə dəyərə malik mineral məhsullar üçün mərkəzə çevrilməsi üçün bütün imkanlar mövcuddur", - Mirziyoyev əlavə edib.

Prezident qeyd edib ki, Özbəkistanda artıq bu istiqamətdə işlər aparılır. Ölkənin Daşkənd və Səmərqənd vilayətlərində mineral xammalın emalı üzrə texnoloji mərkəzlər yaradılır.

Mövsüm

Aznews.az