- Üçüncü sektor
- 15 Mart 2019 16:15
- 3 257
Dünya ulduzu Bakıya gəlir - VİDEO
Aprelin 27-də “Christal Hall”da konsert olacaq.
Dünyaca məşhur ifaçı Sem Smith Bakıya gəlir.
AzNews.az xəbər verir ki, "Bakı Şəhər Halqası Əməliyyat Şirkəti” tərəfindən məlumat təsdiqlənib.
Ulduz "2019 Formula 1" Azərbaycan Qran Prisi çərçivəsində aprelin 27-də “Christal Hall”da konsert verəcək.
Britaniyalı musiqiçi və müəllif Sem Smit R&B, pop, soul janrında ifa edir. Oskar, Qızıl Qlobus, 4 Qremmi mükafatlarının sahibidir.
1992-ci ildə Londonda anadan olub. “In the Lonely Hour” adlı debüt albomunu 2014-cü ildə təqdim edib. 2013-2014-cü illərdə Naughty Boy-la birlikdə təqdim etdiyi “La La La” adlı klipi Youtube-da 950 milyona yaxın baxış sayı toplayıb.
2015-ci ildə 57-ci Qremmi musiqi mükafatları mərasimində 4 nominasiyada (İlin səs yazısı, İlin mahnısı, Ən yaxşı yeni ifaçı, Ən yaxşı vocal pop-albom) qalib gəlib.
Musiqi uğurlarına görə 2 dəfə Ginnesin rekordlar kitabına düşüb.
Agent 007 film seriyasından olan “Spektr” filmi üçün ifa etdiyi "Writing's on the Wall” mahnısı ona “Qızıl Qlobus” və “Oskar” mükafatı qazandırıb.
Fəridə Abdulla
AzNews.az