- Qərb
- 15:15
- 1 464
Fransada lisey şagirdlərinin etirazları ölkə üzrə yayılır
Fransada lisey şagirdlərinin müəllim çatışmazlığı və məktəblərin fiziki vəziyyəti ilə bağlı başlatdığı etiraz dalğası getdikcə böyüyüb.
Yüzlərlə şagirdin saxlanıldığı aksiyalar ölkə üzrə yayılmaqla yanaşı, Belçikaya da keçib.
Alovlar yüksəldi
Parisin 11-ci və 19-cu dairələrində iki ayrı liseyin qarşısında zibil qutuları və metal barrikadalar yandırılıb.
Lion şəhərində də bir sıra liseylərin qarşısında aksiyalar davam edərkən, sentyabrın 30-da şagirdlərin yandırdığı Sen-Jüst liseyində tədris dayandırılıb.
Məktəb və avtobus yandırıldı
Nant şəhərində Nelson Mandela liseyi də dünən şagirdlər tərəfindən yandırılıb.
Məktəbin ətrafındakı yollar nəqliyyatın hərəkəti üçün bağlanıb.
Marseldə isə bir avtobus yandırılıb.
Yanğınsöndürən maşını yandırılıb
Marseldəki Sen-Ekzüperi liseyində aksiyalar zamanı yanğınsöndürən maşını yandırılıb. Hadisələr zamanı bir yanğınsöndürən yüngül xəsarət alıb.
Etirazçılar liseylərin ətrafında hərəkət edən bəzi ictimai avtobusları da ələ keçiriblər.
Mövsüm,
AzNews.az
