Bərdə sakinini Qarabağ kanalında axtarırlar

Bərdə sakini suda boğulub. Dünən axşam saatlarında sərinləmək üçün Qarabağ kanalına üz tutan 36 yaşlı Ceyhun Nadirov kanalın Bərdə rayonun Alpout kəndi ərazisindəki nəzarətsiz hissədə çimərkən boğulub.

AzNews.az-a rayondan daxil olan xəbərə görə, Ceyhun evdən çıxarkən çimərlik üçün bəzi əşyalar da götürüb. Bu da onun məhz kanalda boğulduğunu iddia etməyə əsas verib.

Hadisə yerinə Fövqəladə Hallar Nazirliyinin Dövlət Sularda Xilasetmə Xidmətinin dalğıc-xilasediciləri çağırılıb. Hazırda suda axtarış tədbirləri həyata keçirilir.

Faktla bağlı Bərdə Rayon Prokurorluğunda araşdırma aparılır.

Ruhiyyə
AzNews.az