- Köhnə - Cəmiyyət
- 5 Dekabr 2017 11:57
- 4 518
Prokuror 7 il həbs istədi
Bu gün Bakı Ağır Cinayətlər Məhkəməsində "Kanal-13" internet televiziyasının həbsdə olan icraçı direktoru Əziz Orucovun cinayət işi üzrə məhkəmə prosesi davam etdirilib.
APA-nın məlumatına görə, hakim Mirzə Xankişiyevin sədrlik etdiyi iclasda prokuror Fəhmin Hümbətov çıxış edib. O, təqsirləndirilən şəxsin cinayət əməlinin məhkəmə istintaqı zamanı da sübuta yetirildiyini deyib.
Prokuror Ə. Orucovun 7 il müddətinə azadlıqdan məhrum edilməsini istəyib.
Qeyd edək ki, Əziz Orucov mayın 2-də polisə müqavimət ittihamı ilə saxlanılıb, ona 30 sutka inzibati həbs cəzası verilib. Azadlığa buraxılmalı olduğu gün - iyunun 1-də Baş Prokurorluğun Ağır Cinayətlərə dair İşlər üzrə İstintaq İdarəsində haqqında cinayət işi başlanıb, ona Cinayət Məcəlləsinin 192-ci (qanunsuz sahibkarlıq) və 308-ci (vəzifə səlahiyyətlərindən sui-istifadə) maddələri ilə ittiham verilib. Elə həmin gün Nəsimi rayon Məhkəməsinin qərarı ilə onun barəsində 4 aylıq həbs-qətimkan tədbiri seçilib.
AzNews.az