Poroşenko Rusiya bayrağını qadağan etməyə çağırdı

Ukrayna prezidenti Pyotr Poroşenko Rusiya bayrağını bütün dünyada qadağan etməyə çağırıb.

AzNews.az-ın dünya mətbuatına istinadən xəbər verir ki, Poroşenko bunu Münhen Təhlükəsizlik Konfransında çıxışı zamanı bildirib.

Poroşenkonun sözlərinə görə, Moskvanın hazırkı siyasəti "ədalətli bir oyun deyil" və buna görə də rus bayrağı Pxençxandakı olimpiadalarda dalğalanmamalıdır. Ukrayna prezidenti əlavə edib ki, rus bayrağı heç bir yerdə asılmamalıdır: "Çünki Rusiya dünya miqyasında hibrid müharibə aparmağa davam edir və rus güllələri bizim simvollarımıza yönəlib".

Bir müddət əvvəl Poroşenkonun Rusiyanın dünya müharibəsi başlatdığını iddia etdiyi bildirilirdi.