İranda 2 milyon 700 min nəfər oxuyub-yazmağı bacarmır

İranda 2 milyon 700 min nəfər oxuyub-yazmağı bilmir.

AzNews.az-ın dünya mətbuatına istinadən verdiyi məlumata görə, İranın təhsil nazirinin müavini Əli Bəkirzadə bildirib ki, ölkənin bəzi əyalətlərində hər 100 nəfərdən 30-u oxuyub-yazmağı bilmir. Bəkirzadə əlavə edib ki, ölkədə 10-49 yaş arası təxminən 2 milyon 700 min nəfərin savadı yoxdur. Onların 1 milyon 800 minini qadınlar təşkil edir.

Valideynləri savadsız olan 17 yaşdan kiçik olan uşaqların əksəriyyəti məktəbə getməyiblər.

Qeyd edək ki, 2016-cı ilin statistikasına görə, İranda 79,9 milyon adam yaşayır.