Maxaçkalada terrorçular zərərsizləşdirildi

AzNews.az rus mətbuatına istinadən xəbər verir ki, Maxaçkalada şəxsi bir evə sığınan silahlılarla danışıqlar nəticə vermədiyinə görə bu gün xüsusitəyinatlılar hücuma keçiblər. Murad Qasımov və onun köməkçisi zərərsizləşdirilib. Rusiya Milli Antiterror Komitəsinin dəqiqləşdirməsinə görə Volqoqraddakı terroru məhz Murad Qasımov təçkil edib və partlayıcı qurğular hazırlamağı Dimitri Sokolova o tapşırıq verib.
Özünü Abdul - Nur adlandıran Murad Qasımov quldur birləşməsinə bu ilin əvvəlində rəhbərlik etməyə başlayıb. Ondan götürülən karabin bir çox ölümlərə, o cümlədən polislərin və hakimin ölümünə səbəb olub. Digər çoxlu quldurluq və soyğunçuluq əməlləri də bu qruplaşmanın hesabına yazılıb.

Xatırladaq ki, dünən Maxaçkalada irimiqyaslı antiterror əməliyyatı aparılmışdı. Terroristlər Maxaçkaladakı troleybus idarəsində gizlənmişdilər. Onlardan biri, Dağıstan Ali məhkəməsinin hakimini öldürməkdə təqsirli bilinən, federal axtarışda olan 25 yaşlı Ruslan Kazanbiyev öldürülmüşdü. Sağ qalan silahlı quldurlar bir şəxsi evdə gizlənmişdilər.

Əli
AzNews.az