- Rusiya və İran
- 29 Aprel 2019 12:36
- 2 508
“OPEC-in istehsal məhdudiyyətindən imtina etməsi...” - Putin
OPEC-in istehsalla bağlı məhdudiyyətdən imtina etməsi ehtimal olunmur.
Bu barədə Rusiya Prezidenti Vladimir Putin deyib. O, OPEC-ə üzv ölkələrin istehsalı azaltmaqla bağlı sazişi tərk etməyi qiymətləndirdikləri barədə heç bir məlumatı olmadığını və belə bir qərarın alınmasının ehtimal edilmədiyini bildirib.
V.Putin OPEC-ə üzv ölkələr və Rusiya da daxil olmaqla digər neft istehsalçısı qeyri-OPEC ölkələrinin hasilatı azaltmağa dair imzaladıqları sazişin iyunun sonuna qədər qüvvədə olduğunu deyib: “Qlobal neft bazarının ABŞ-ın İrana qarşı sanksiyalarına necə cavab verəcəyini deyə bilmərəm. Ümid edirəm ki, Səudiyyə Ərəbistanı İranın ixracı ilə bağlı mümkün azalmanı kompensasiya etmək üçün öz istehsalını artırmayacaq. OPEC-ə üzv üzvlərin mövcud razılaşmadan imtina edəcəkləri ehtimal olunmur”.
Xatırladaq ki, ötən həftə ABŞ Prezidenti Donald Tramp OPEC-ə neftin qiymətini aşağı salmaları üçün müraciət etdiyini deyib. “Neftin qiyməti aşağı düşəcək. OPEC-ə müraciət etdim və neftin qiymətini aşağı salmalarının vacibliyini söylədim”, - deyə D.Tramp bildirib.
ABŞ Prezidentinin bu açıqlamasından sonra isə neftin qiyməti ucuzlaşmağa başlayıb.(AZƏRTAC)
AzNews.az