Əfqanıstanın XİN başçısı istefa verdi

Rəbbani İslam Cəmaəti Partiyasının lideri Bürhanəddi Rəbbaninin oğludur

Əfqanıstanın xarici işlər naziri Salahuddin Rəbbani istefa verib.

Məlumatı RİA "Novosti" yayıb.

Bildirilib ki, nazir ölkə prezidenti Əşrəf Qəniyə ünvanladığı ərizədə Xarici İşlər Nazirliyinə ikinci dərəcəli rol ayırılmasına, ona Qeyri-Hökumət Təşkilatının sədri kimi münasibət göstərilməsinə etiraz olaraq istefa verdiyini vurğulayıb.

Qeyd edək ki, S.Rəbbani İslam Cəmaəti Partiyasının lideri Bürhanəddi Rəbbaninin oğludur. O, 1971-ci ildə Kabulda anadan olub. 2011-2012-ci illərdə Əfqanıstanın Türkiyədəki səfiri olub. 2015-ci il fevralın 1-dən isə ölkəsinin xarici işlər naziridir.(report.az)

AzNews.az