Suriyadakı əməliyyatı dərhal dayandırın - Trampdan Ərdoğana telefon zəngi

ABŞ Türkiyəyə Suriyaya müdaxilə üçün “yaşıl işıq” yandırmayıb

ABŞ Prezidenti Donald Tramp Türkiyə lideri Rəcəb Tayyib Ərdoğana zəng edib və ondan Suriyadakı əməliyyatı dərhal dayandırmasını tələb edib.

Bunu ABŞ vitse-prezidenti Mayk Pens deyib. Onun sözlərinə görə, ABŞ Türkiyəyə Suriyaya müdaxilə üçün “yaşıl işıq” yandırmayıb.

Pens ABŞ-ın bundan sonra da Türkiyənin Suriyaya müdaxiləsinə dözümlü yanaşmayacağını bildirib.

Qeyd edək ki, bundan öncə ABŞ Türkiyənin üç nazirinə və iki nazirliyinə sanksiya tətbiq edib. Vaşinqton “Sülh çeşməsi”nin dayanmayacağı halda Türkiyə poladı üçün gömrük rüsumlarını 50% qaldıracağını bildirib.

Türkiyə Prezidenti Rəcəb Tayyib Ərdoğan dünəndən etibarən Bakıda səfərdədir. O, Azərbaycana Türk Şurasının zirvə toplantısında iştirak üçün gəlib. (Axar.az)

AzNews.az