43 yaşlı azərbaycanlı Ramil Mahmudov yaşadığı Stokholm şəhərində naməlum şəxslər tərəfindən qətlə yetirilib 43 yaşlı azərbaycanlı Ramil Mahmudov yaşadığı Stokholm şəhərində naməlum şəxslər tərəfindən qətlə yetirilib
  • Toplum
  • 24 Oktyabr 2021 18:42
  •  6 040

İsveçdə qətlə yetirilən soydaşımızın cənazəsi Azərbaycana gətiriləcək

43 yaşlı azərbaycanlı Ramil Mahmudov yaşadığı Stokholm şəhərində naməlum şəxslər tərəfindən qətlə yetirilib

Diasporla İş üzrə Dövlət Komitəsi 43 yaşlı azərbaycanlı Ramil Mahmudovun yaşadığı İsveç Krallığının paytaxtı Stokholm şəhərində naməlum şəxslər tərəfindən qətlə yetirilməsi ilə bağlı məsələni nəzarətə götürüb.

Aznews.az xəbər verir ki, Dövlət Komitəsindən verilən məlumata görə, Komitə mərhumun ailəsinə cənazənin Azərbaycana gətirilməsi üçün dəstək göstərəcəyini bildirib. Komitəyə minnətdarlığını bildirən ailə üzvləri cənazənin Azərbaycana gətirilmə xərclərinin mərhumun sürücü kimi çalışdığı yükdaşıma şirkəti tərəfindən ödəniləcəyini bildirib.

Məsələ Diasporla İş üzrə Dövlət Komitəsinin rəhbərliyinin diqqətindədir və mərhumun ailəsinə istənilən an lazım olan köməklik göstəriləcək.

Hadisə ilə bağlı cinayət işinin obyektiv şəkildə araşdırılacağına inanırıq.