- Köhnə - Kriminal
- 10 Dekabr 2012 18:30
- 2 374
Sankt-Peterburqda ikinci “restoran müharibəsi” başlayır
AzNews.az-ın Rusiya mətbuatına istinadən verdiyi xəbərə görə, dekabrın 2-dən 3-nə keçən gecə iki naməlum şəxs "Usadba" restoranının qarşısında Sadıqovun arvadının maşınını yandırıb. Cinayətkarlar hadisə yerindən uzaqlaşanda onları təqib edən mühafizəçilərə atəş açıblar.
Dekabrın 3-dən 4-nə keçən gecə Sadıqovun şərik olduğu "Flaminqo" kafesinin pəncərələri sındırılıb.
Dekabrın 5-dən 6-na keçən gecə isə Əliyevə məxsus "Çinar" restoranı yandırılıb. Bu dəfə də hadisə yerindən uzaqlaşan cinayətkarlar mühafizə işçilərinə atəş açıblar.
Qeyd olunur ki, hadisələri törədənlər 25-27 yaşlı tünd idman paltarı və uzun hərbi çəkmə geymiş gənclər olublar.
Polislərin fikrincə, baş verənlər radikal əhval-ruhiyyəli gənclərin işi deyil. Onlar hesab edir ki, yanğınlar həmyerlilər arasında başlanmış "restoran müharibəsi"nin nəticəsidir. Ehtimal edilir ki, yola getməyən restoran sahiblərinin adamları "sağçı" gənclər kimi geyinərək bir-birlərinə hücüm edirlər.
Xatırladaq ki, 2005-2010-cu illər ərzində Peterburqda "Ağdam" restoranının sahibi Məmmədov tərəfindən başlanmış "müharibə" nəticəsində biri cavan qız olmaqla 7 nəfər öldürülüb. 2012-ci ilin oktyabrında dairə hərbi məhkəməsi bu işdə əli olan 4 qafqazlını ümumilikdə 88 il müddətinə azadlıqdan məhrum edib.
Noyabrın 1-də həmin "müharibə"nin gedişində iki ölümdə günahkar bilinən daha 3 nəfər saxlanılıb.
İnci
AzNews.az