- Tribuna
- 15 Mart 11:55
- 9 594
Əli Əsədov: Azərbaycanda müasir ordu quruculuğu prosesi davam etdiriləcək
![](https://www.aznews.az/storage/2024/03/15/c9792c32-2528-382a-82fe-b85d9cc06ba4_850.jpg)
Azərbaycanda müasir ordu quruculuğu prosesi və milli təhlükəsizlik potensialının artırılması davam etdiriləcək.
Bunu Baş nazir Əli Əsədov Milli Məclisin martın 15-də keçirilən plenar iclasında Nazirlər Kabinetinin 2023-cü ildə fəaliyyəti haqqında hesabatı təqdim edərkən deyib.
O bildirib ki, dövlət büdcəsində ən böyük xərclər növbəti illərdə də hərbi xərclər olacaq.
Baş nazir xatırladıb ki, ölkənin müdafiə qabiliyyətinin və milli təhlükəsizliyinin daha da gücləndirilməsi məqsədilə 2023-cü ilin dövlət büdcəsindən müdafiə və milli təhlükəsizlik xərclərinə təqribən 5,9 mlrd. manat vəsait ayrılıb (2022-ci illə müqayisədə 19,6% çox).